Marian, walang kupas ang beauty

MANILA, Philippines — Binago ni Marian Rivera ang look ng kanyang buhok ngayon – may bangs!

Pero may netizen na nakapansin na twinning si Yan at anak na si Zia sa style ng buhok ngayon dahil kapwa sila may bangs!

Eh ang bongga kay Marian, kahit anong klase ng style ng buhok ang gawin, swak na swak sa byuti niya! Kung napapanood ninyo ang rewind ng Endless Love series nila ni Dong (Dingdong Dantes), sakto sa byuti niyang hindi tumatanda ang makikita ninyo!

Hindi na kailangang magpagarbo nang husto sa buhok at mukha dahil mas bagay sa kanya ang simpleng look, huh! Hindi kumukupas ang ganda!

Mga hubadera, mas dumami

Ang paghuhubad sa screen ang daan ng mga baguhang artista para sumikat mula pa noon hanggang ngayon!

Kung uso pa ang bold movies at bukas ang mga sinehan, mas marami pang baguhan na maglalakas ng loob para maghubad, sumikat at kumita!

Mas maluwag ngayon ang pagsulpot ng mga sex movie. Kadalasan ay sa digital platform ipinalalabas ang ganitong movies.

But in the end, it is still the talent that counts! Kung paghuhubad lang ang alam ng isang baguhan, malabong magkaroon siya ng pangmatagalang career!

Whereas kung may talent sa pag-arte, malayo ang mararating ng career niya.

May mga artista tayong naghubad nung nagsisimula eh dahil magaling sa pag-arte, gumagradweyt sa larangang ito!

Nand’yan pa rin ang mga artistang ito, may pandemic man o wala!

Hindi sapat ang magandang katawan kung gusto nilang magtagal sa showbiz!