‘Di makapaniwala, Alex cover girl ng sosyal na mag sa Vietnam
Kabilang si Alex Gonzaga sa kinuhang cover girls para sa Harper’s Bazaar Vietnam’s 10th anniversary issue.
Sa Instagram account ng naturang magazine, in-announce nila ang cover shoot ni Alex wearing a yellow mesh blouse topped with a floral romper.
“Alex Gonzaga, the Filipina television host, actress, singer, comedian, entrepreneur, vlogger, and author, graces today’s cover of our anniversary month,” ayon sa caption.
Hindi makapaniwala si Alex sa pangyayaring ito sa kanyang buhay.
“Please pinch me. This is not even in my checklist but, grabe!” bahagi ng post niya sa IG.
Ang iba pang celebrities na magiging cover sa 10th anniversary ng Harper’s Bazaar Vietnam’s cover ay sina Iggy Azalea, GOT7’s Youngjae, and Miss Global 2019 Karolína Kokešová.
Vera Wang, parang teenager ang katawan
Mukhang paurong ang pagkakaroon ng edad ng New York-based fashion designer na si Vera Wang dahil nag-celebrate ito ng kanyang 72nd birthday, pero mukha siyang nasa line of 30.
Pinost ni Wang ang naging birthday bash niya noong nakaraang June 27 na tinawag niyang Prosecco Party.
Hindi makapaniwala ang mga bisita ni Wang na 72 years old na ito, pero very fit ang katawan nito na parang teenager.
Ang sikreto raw ng youthful look niya ay: “Focus your mind on something you love to do. My work. My life. My daughters. Do something you love.”
Sumikat si Wang dahil sa mga bonggang wedding gowns niya na sinuot ng maraming celebrities tulad nina Victoria Beckham, Lily Aldridge, Jessica Simpson, Hilary Duff, Ivanka Trump, Kaley Cuoco, Chelsea Clinton, Kim Kardashian, Alicia Keys at Mariah Carey.
Bea, gustong makatrabaho ang unang ka-love team
Sa mga hindi nakakaalam, ang kauna-unahang ka-loveteam ni Bea Alonzo ay si Dennis Trillo.
Pinagtambal sila noon sa teen series na K2BU noong 2002 sa ABS-CBN. Kaka-launch lang noon ng Star Circle Batch 10 kung saan kabilang sina Bea at Dennis. Ka-batch din nila ang mga naging Kapuso rin na sina Alfred Vargas, Nadine Samonte, TJ Trinidad at Karel Marquez.
Sey ni Bea: “Ito trivia, ang first love team ko ay si Dennis Trillo. Siyempre mga bagets pa kami nu’n kasi ka-batch ko siya when we were launched. This time, gusto ko siyang makatrabaho now that we’re mature and we’re adults, and napapanood ko rin siya dati sa teleseryes niya.”
Bukod kina Dennis, gusto ring makatrabaho ni Bea ang girlfriend nitong si Jennylyn Mercado. Pati na sina Dingdong Dantes, Marian Rivera, Lovi Poe at Solenn Heussaff. “Even the younger ones, like sina Gabbi (Garcia), sina Julie Anne (San Jose), si Ruru (Madrid), I look forward to working with all of them,” dagdag ni Bea.
Hindi lang daw teleserye ang nais niyang gawin sa bago niyang tahanan sa GMA: “To be honest, I am ready to chase more dreams, not only with acting, and this time I feel like I want to discover more about myself, say I would like to explore the idea of probably having a talk show, or like appearing on say, sitcoms.”
- Latest
