Ginang na avid fan ni Marian, agad-agad nagpabakuna
Nahirapan ang isang lalaki na kumbinsihin ang inang senior citizen na magpabakuna laban sa COVID-19.
Pero nang makita ng ina na nagpabakuna na laban sa COVID si Marian Rivera, agad-agad itong nagpabakuna na ikinagulat ng anak, huh!
‘Yun pala, isang avid fan ni Marian ang ginang! Kaya laking gulat ng anak nang magbago ang desisyon ng ina.
Ang kuwento ng ina ay ibinahagi ng 24 Oras sa kanilang Chika Minute segment. Bilang dagdag na bonus sa ina, binigyan pa siya ng mensahe ni Yan para batiin sa pagpapabakuna!
Sheryl, pumayag maging aswang
Gaganap na aswang si Sheryl Cruz sa episode ngayong gabi, Sabado, ng Magpakailanman sa episode na Kaibigan Sa Umaga, Aswang Sa Gabi.
Natanong si Sheryl kung naniniwala siya sa asawang sa nakaraang virtual mediacon niya.
“Dito sa Pilipinas, naniniwala ako sa iba’t ibang element na hindi ko nakikita. Ever since bata ako, naniniwala ako sa witch doctors, ‘yung mga albularyo, mga nagbibigay ng agimat, sa mga nagbibigay ng pangontra sa kulam, mga ganyan,” pahayag ni Sheryl.
“Pero at the same time, naniniwala ako na may Diyos tayo,” dagdag ni She.
Anyway, tapos na ring magpabakuna si Sheryl na Pfizer ang brand. Mula siya sa pamilya ng mga doctor kaya kampante siyang magpabakuna.
- Latest