Party ni Tim, ayaw pang tigilan

Sad naman ‘yung nangyari sa party ng eventologist at writer/influencer na si Tim Yap. Kilala si Tim Yap bilang organizer ng big events, at siguro nga dahil sa kanya kaya maraming nag-attend sa binigay niyang party sa Baguio na ngayon ay controversial dahil nga sa health protocols na hindi raw nasunod.

Pati si KC Concepcion ay nadamay dahil hindi raw nagsuot ng face mask. Si Mayor Benjamin Magalong ng Baguio ay nag-resign as contact tracing czar dahil sa mga bashing.

Sinabi naman ni Tim na naging maingat at nagpa-swab muna silang lahat bago nag-attend ng party. Plus, sinabi rin niyang may mga baong face mask at shields ang mga naroroon.

Kasi nga ay private party iyon kaya siguro they feel at home at ‘yung iba ay hindi na muna isinuot ang kanilang mga mask. Pero like responsible people, they admitted their mistakes kaya nagbayad ng fine sila KC et al na sinasabing hindi nagsuot ng protection.

Tiyak ko maipapaliwanag nang mabuti ni Tim Yap ang nangyari at maging aral na kahit pala private party dapat naka-mask ka. At sana rin tigilan na ‘yung bashing dahil hindi naman ginusto ng mga naroon sa lugar na iyon ang mga pangyayari.

Stay cool, Tim, maaayos din iyan.

Sayang, tiyak na masaya at unforgettable sana ang event na iyon kung hindi lang sa minor glitches. Remember, ‘pag fabulous party, Tim Yap is the name, plus his partner Javi. Mahusay silang event planners, remember, Salve iyon Belo/Kho wedding sa Paris, hitsurang Crazy Rich Asians, talbog ‘di bah!