Glaiza natakot sa bagyo, naiwan ang pamilya sa Baler

Nag-aalala ang Kapuso actress na si Glaiza de Castro sa mga magulang na naiwan sa Baler, Quezon habang nananalasa ang bagyong Rolly.

Naiwan kasi sa probinsya ang ama at ina ni Glaiza na nakabalik na sa Maynila bago dumating ang bagyo. “Every now and then nagse-send kami ng message sa kanila. Nu’ng nabalitaan naming strongest typhoon itong paparating, siyempre, nag-alala kami,” pahayag ni Glaiza sa interview sa kanya sa 24 Oras.

Eh may mga kaibigan at kapitbahay sila roon, kaya panatag naman daw ang kanyang parents. “Si Nanay at si Tatay kumbaga parang panatag naman sila okey sila doon may makakasama naman sila.

“May friends kami doon, kapitbahay,” dagdag pa ng Kapuso actress.

Ang isa pang Kapuso artist na kabado naman sa kalagayan ng magulang, kapatid at kamag-anak ay ang Starstruck first runner up na si Allen Ansay.

Nakatira ang pamilya ni Allen sa Sagnay, Camarines Sur na isa sa sinalanta ng bagyo at hindi pa raw niya makontak ang ina simula pa noong manalasa ang bagyo.