PTV4 makikipagkompetensiya na rin sa commercial networks

Uy pati pala PTV4 makikipagsabayan na rin sa commercial networks.

Ayon kay Communications Secretary Martin Andanar, makikipag-compete na rin sila sa ratings ng mga commercial network para kumita na rin at kasama ito sa deliberations ng proposed 2021 budget ng Presidential Communications Operations Office (PCOO) sa Congress. Bongga na rin. At least maraming choices ang viewers.

Sanya mas pinili ang bahay kesa dyowa

Inamin ni Kapuso actress Sanya Lopez na isinakripisyo niya ang kanyang ‘love life’ upang maipatayo ang kanyang dream house. 

Sinariwa ng Encantadia star ang pinagdaanan niya bago siya nakabili ng sariling bahay sa Quezon City. “Dati kasi, para akong nakatira sa isang maliit na apartment, sa Valenzuela ‘yon, isang room lang tapos paglabas mo, nandoon na lahat, napakaliit, halos hindi kasya ‘yung mga gamit,” kuwento ni Sanya sa 24 Oras. “Biggest sacrifice siguro hindi ko (naging priority) ‘yung love life. Pero feeling ko malaking factor talaga ‘yung love life pagdating sa pag-iipon for me, kasi siguro kung siningit ko ‘yun, hindi ako masyadong focus,” dagdag pa niya.

Sa darating na Biyernes (September 11) ay mapapanood si Sanya kasama si Thea Tolentino sa Mars Pa More hosted by Camille Prats at Iya Villania.