May teleserye kasama si Momoland Nancy James tinapos na ang pamamahinga, nagtayo ng sariling kumpanya!

Tinapos na ni James Reid ang pamamahinga. Matagal-tagal na rin siyang chill lang, bakasyon at music lang ang tinutukan.

Pero kahapon nga ay pormal nang nagkaroon ng announcement ang comeback teleserye niya sa ABS-CBN, ang Soulmate with Nancy of Korean Girl Group na Momoland.

Si Nancy ang sinasabing pinaka-pretty at sikat sa grupo.

Till I Met You pa ang huling teleserye niya sa Kapamilya Network with Nadine Lustre.

Nauna na siyang naglabas ng statement ng pasasalamat kay Boss Vic del Rosario ng Viva na nagpasikat sa kanya, sa ABS-CBN at sa fans.

Nakasaad din sa nasabing statement na nagtatag siya ng family management company. “Apart from creating his own record label, Careless Music, James has also established his own family management company, Reid Entertainment Inc., and is now looking forward to the challenge of forging his own path in the entertainment industry.”

Naging issue nga diumano ang pakikialam daw ng tatay ni James sa mga assignment niya sa Viva.

As in lagi raw itong may dalang mga abogado sa tuwing magmi-meeting sila at nagpapataas pa ng talent fee kaya pinayagan na lang ng Viva management na lumayas at magsarili na lang ang actor.