Alone/Together ng LizQuen lumalaban sa foreign film!

Sayang naman at napakaikli lang ng role ni Jasmine Curtis Smith sa pelikulang Alone/Together nina Enrique Gil at Liza Soberano.

Nag-level up na ang acting ng dalawang bida, tiyak na maninibago ang fans nila dahil matured at kakaiba ang roles nila, ‘di na pa-tweetums. Matutuwa rin at the same time ang mga ito dahil napakaraming kissing scenes ng dalawa sa movie.

Muli, nahagip ni direk Antoinette Jadaone ang kiliti ng mga manonood, kaya nakaka-relate ang lahat. Lumalaban nga ito sa napaka-lakas na Captain Marvel, isa kontra limang sinehan sa Fairview Terraces.

Nag-level up na ang acting ng mga pangunahing loveteams ng bansa --Kath­Niel, LizQuen, JoshLia. This early sina Julia Barretto, Kathryn Bernardo at Liza Soberano ang maglalaban-laban for best actress.

John paghanga lang ang nararamdaman kay Angel

Hindi naman pala romantic love ang nararamdaman ni John Arcilla kay Angel Aquino. Kaya walang dapat ika-insecure ang partners nila. Bunga lang ito ng paghangang nararamdaman ng magaling na aktor sa magaling din niyang co-star na kasama niya sa kasalukuyang serye na FPJ’s Ang Probinsyano.

IBC-13 maraming mabibigyan ng trabaho!

Sana nga ay mapasikat ni Kat de Castro ang IBC-13. Marami ang mabibigyan nito ng trabaho. Better choice ito sa maraming nag-aalok ng bagong shows na libre lamang sa simula pero, kapag nagtagal-tagal na ay dagdag gastos na rin sa mga manonood.