Kahit sobrang busy Nadine nahahanapan ng oras si James

Babad man sa shooting ng pelikula niyang Ulan, basta pagdating sa boyfriend na si James Reid, naglalaan ng oras ang young actress na si Nadine Lustre.

Isiningit ni Nadz ang pag-shoot ng music video ng bagong kanta ni James. Wala pa rin naman kasi siyang schedule ng shooting ng solo movie niyang Pedro Penduko.

Kaya nang lumabas sa social media ang behind the scenes ng shoot, dama pa rin ang kilig sa dalawa na lubos na ikinasisiya ng kanilang fans.

Sunshine ibinuking na ang title ng ginagawang pelikula

Binisto na ni Sunshine Dizon ang title ng pelikulang reunion movie ng kapwa niya Sang’gres na sina Iza Calzado, Karylle at Diana Zubiri mula sa Sang’gre productions. Saad ni Shine sa kanyang Instagram, Mystified ang title ng pelikula nila pati na trailer nito at ito ay mapapanood sa iflix.

“Get mystified this March with the reunion we’re all waiting for. Here’s the title reveal of the much-awaited follow-up project of Iza Calzado, Sunshine Dizon, Karylle and Diana Zubiri premiering exclusively on iflix,” bahagi ng post ni Shine.

Si Mark Reyes ang director ng Mystified na unang gumawa ang fantaserye na Encantadia na pinagbidahan nilang apat. Dahil sa iflix ito ilalabas, walang isyu sa apat ang network war, huh!

Sinulog Festival uulanin ng mga bituin

Babaha ng artista sa Sinulog Festival sa Cebu City ngayong Linggo. Pero may patikim na ang Cain at Abel stars na sina Dingdong Dantes, Dennis Trillo, Sanya Lopez at Solenn Heussaff na meron nang mall shows ngayong araw na ito.

May representative rin ang Eat Bulaga dahil paparada rin sina Maine Mendoza, Kim Last at Allan K.

After ng Sinulog festival, ang Iloilo City naman ang dadayuhin ng mga artista dahil sa selebrasyon ng Dinagyang Festival and then, ‘yung festival naman sa Aklan ang magaganap.

Pero siyempre, sa Sunday rin ang laban ni Manny Pacquaio kay Adrien Broner mula sa Las Vegas kaya ‘yung taga-Metro Manila eh ang boxing ang tututukan.