Cast ng Spirits Reawaken, tampok sa Matanglawin
MANILA, Philippines — Maglalaban ang cast ng Spirits Reawaken ng iWant sa unang handog ng Matanglawin sa taong 2019. Panoorin sina Grae Fernandez, Kira Balinger, Chantal Videla, Jairus Aquino, at Bugoy Cariño sa kanilang pagsagot sa mga tanong ni Kuya Kim Atienza tungkol sa mga mitolohiya at alamat ng Pilipinas habang dumadaan sa isang obstacle course ngayong Linggo (Enero 6), 9:45 am sa ABS-CBN.
Samantala, lalakbay si Kuya Kim papuntang Ah Meow Café sa Hong Kong at Tabby Town Cat Cafe and Corgi Club sa Cavite na mga kakaibang lugar na patok sa mga mahilig sa hayop.
Makikilala rin niya ang mga animal lover at pet owner na ginagawang layunin ang tumulong sa mga hayop na inaabuso at pinapabayaan. Abangan ang lahat ng ito sa Matanglawin ngayong Linggo (Enero 6), 9:45 am sa ABS-CBN at ABS-CBN HD.
- Latest
