Gloria tinaob sina Anne at Kim mga sinehan na nagtanggal ng MMFF entries, tinawag na sugapa

Kalinya ni Kim Chiu bilang nominees sa Best Actress sina Gloria Romero at Anne Curtis. Nominated si Kim sa Regal movie niyang One Great Love habang sina Gloria at Anne ay para sa movie nilang Rainbow’s Sunset at Aurora, respectively.

Si Tita Glo ang tinanghal bilang Best Actress at hindi rin siya makapaniwala na sa edad niyang 85 ay mag-uuwi pa siya ng Best Actress trophy.

Of course, todo na ang kaligayahang natanggap ni Kim sa performance niya sa pelikula dahil all praises ang lahat sa ipinakita niyang acting. Kaya naman sa latest post sa Instagram ng Chinita Princess, nagpahayag na siya ng pasasalamat sa lahat ng kanyang supporters sa walang sawang pagmamahal sa kanya lalo na sa latest movie niya.

Sa nasabing awards night, kapansin-pansin na apat na entries lamang ang nabiyayaan ng awards. Eleven awards ang nakuha ng Rainbow’s Sunset; lima ang awards ng Aurora at binigyan din ng parangal ang Jack Em Popoy.

Bokya sa awards ang natitirang apat na entries.

Magkaroon sana ng katuparan ang kahilingan ng award-winning movie na Rainbow’s Sunset na ibalik sa sinehan ang movie upang mapanood nang mas maraming tao.

Umaasam naman ang premyadong writer-director na si Joey Reyes sa tweet niya na, “It is with the greatest hope that the future of the MMFF in the coming years is for the benefit of the movie industry as a whole and not only for a few.”

May parunggit din siya sa mga may ari ng sinehan sa isa niyang tweet.

 “I do understand the ‘business’ side of exhibiting movies but if you invite & select 8 entries, please give those underperforming a chance to show until the weekend before you pull them out to replace with the top grosser. Iba ang negosyante sa sugapa.”