Dennis inaasahang makakasulot ng Best Actor!

Hindi magkakapiling ngayong Pasko sina Dennis Trillo at Jennylyn Mercado dahil kasalukuyang kasama ni Jennylyn ang ina ni Dennis sa Italy.

Hindi pwedeng umalis ng Pilipinas si Dennis dahil may Metro Manila Film Festival entry siya ngayon taon, ang One Great Love kasama sina Kim Chiu and JC de Vera, with Eric Quizon as director.

Mas na-enhance raw ang acting ni Dennis sa naturang pelikula. Kaya baka daw ‘masulot’ pa ni Dennis ang Best Actor trophy from either veteran performers Eddie Garciaat Tony Mabesa, who themselves are winning kudos fortheir respective performances bilang two gay old men, na may relasyon sa pelikulang Rainbow Sunset, sa upcoming MMFF Gabi ng Parangal.

Maituturing si Dennis bilang isa sa pinaka-busy na Kapuso talent. Kasalukuyan din siyang napapanood sa Cain at Abel kasama si Dingdong Dantes na kasalukuyan namang busy ring nagpo-promote ng MMFF entry niya.

Kasama si Dingdong sa Fantastica na tinatampukan nila nina Vice Ganda, Richard Gutierrez, Bella Padilla, Jaclyn Jose kasama ang love team nina Loisa Andalio at Ronnie Alonte; Maymay Entrata at Edward Barbers and Kisses Delavain at Donny Pangilinan.

Sa beach gustong dalhin ni Dingdong ang mag-ina niyang sina Marian at Zia pagkatapos mag-Bagong Taon. December 30, 2014 ikinasal sina Dingdon at Marian, who is currently pregnant with their second baby, na isang boy.

Finally, matutupad na ang wish ni Zia na maging Ate.

John mas gusto pa rin ang acting

Meanwhile, komportable nang tinatawag na ate si Lily Feathers, panganay sa dalawa nang supling nina John Prats at Isabel Oli.

Isang lalaki ang second child nila na kanilang pinangalanang Da­niel Freedom, na ipinanganak last November.

Samantala, abala na rin si John Prats ngayon sa pagdidirek ng mga concert. He has turned entrepreneur too.

Pero ang sabi ng aktor, mananatili ang acting sa kanyang priority. Kasalukuyan siyang napapanood sa FPJ’s Ang Probinsyano. Tuwing Sunday, napapanood siya sa gag show na Banana Sundae.

John says, he looks forward to a fabulous and prosperous 2019 not just for himself and his family, but for the entire Filipino people.

Perla gusto pang magka-pelikula

Inaasahan ng veteran actress na si Perla Bautista na ang coming year ay magiging mabait sa showbiz industry.

“Am praying for that,” ani Perla, na halos 40 taon nang isang aktres.

Kasalukuyang napapanood si Perla sa trending series na Los Bastardos, kung saan ang mga young actor na sina Jake Cuenca, Joshua Colet, Albie Casiño at Marco Gumabao na gumaganap na bastard sons ni Ronaldo Valdez are all very promising, bukod sa mababait at magagalang.

Labis daw siyang naghihinayang sa biglang ‘pagkawala’ ni Diego Loyzaga sa cast, since she has high hopes that he will end up a popular actor like his dad, Cesar Montano.

Asked if she has an idea why Diego quit the series, Perla swears wala siya alam. Susog ni Perla: “Let’s just hope he and his Mom (Teresa Loyzaga) have a truly Merry Christmas.

“Which we also hope for all of us.”

Her personal fervent wish for herself, ani Perla, is to be in the cast of a movie.