Toni hindi pang MMFF ang tingin sa sarili

Sa tinagal-tagal ni Toni Gonzaga sa industriya, first time niyang sumali sa Metro Manila Film Festival this year via Mary, Marry Me na siya pa mismo ang nag-produce sa ilalim ng kanyang bagong tatag na produksyon, ang TINCAN, kasama ang TEN17P Productions ng asawa niyang si direk Paul Soriano.

When they were doing the movie, aminado naman si Toni na dream nila ang makapasok sa MMFF pero they were planning na sana na i-release ito ng January 20, 2019 bilang birthday offering ng kapatid niyang si Alex Gonzaga na kasama rin sa movie since January 16 ang kaarawan nito.

Naunahan pa nga siya ng kapatid niyang si Alex na pangatlo na itong MMFF (ang naunang dalawa ay The Amazing Praybeyt Benjamin at Buy Now, Die Later).

“Kasi dati, parang hindi ako pang-MMFF, hindi ko naiisip na mag-MMFF kasi it’s the busy time of the year, so parang I’ve never really pictured myself being part of the festival, but I remember being bata kami ni Alex, we would go to Sta. Lucia pagka MMFF, ‘di pa kami artista nu’n, tapos makikipila kami.

“Naalala namin, lagi naming pinapanood ang Shake Rattle and Roll,” sey pa ni Toni.

Singit naman ni Alex, “Crying Ladies, Rubber Man, Gagamboy.”

Patuloy ni Toni, “pinapanood namin dati ang mga entries lang, so we’re really thankful and grateful na 20 years after, magiging entry din kami para pagpilian.”

When asked kung ano ang feeling niya na makikipag-compete siya mga “regulars” and “heayweights” ng MMFF na sina Vice Ganda, Coco Martin and Vic Sotto, ani Toni ay hindi naman siya nakikipagkumpetensiya.

“Katulad ng sabi ko kanina, pag ninenerbyos ako or kung pumapasok ‘yung pressure, binabalikan ko lang nun’g bata kami ni Alex, binabalikan ko lang ‘yung time na nasa Taytay kami, tapos pupunta kaming Cainta para manood ng MMFF, para pumila sa mga entries.

“Pag binalikan mo lang ‘yun, ‘yung pa lang, eh, mase-savor mo na ‘yung opportunity na you’re part of the MMFF this 2018. So, parang du’n pa lang, grateful na ako.

“It’s not about competing against my friends in the industry who I’ve worked with also, it’s not about competing against them, eh. It’s about being one with them in giving beautiful film this Christmas na makakapagpasaya sa mga tao.

“So, instead of thinking na I’m up against them, parang we’re all together in this festival to give the viewers an option and so many beautiful choices to watch this Christmas,” pahayag ni Toni.

Sa pagpili naman kay Alex as co-lead star of the movie, ayon kay Toni ay noon pa niya gustong makatrabaho ang kapatid.

“I’ve always wanted to work with Alex, gusto kong makita kung paano siya makatrabaho sa film, kung ano ang magiging dynamics namin because in real life, and even ‘yung sa mga vlogs niya, and even on TV, I feel like we always have this strong bond and chemistry and I just wanna see how it will reflect on the big screen,” saad ni Toni.

Top choice naman daw talaga si Sam Milby bilang kanilang leading man at mismong si direk Paul pa raw ang nag-suggest sa aktor.