Jed hindi pinapayagang kumanta noon!

Parang kailan lang ay ayaw payagan si Jed Madela ng kanyang tatay sa pangarap niyang maging singer upang sundan ang yapak ng kanyang idol na si Gary Valenciano, ngayon ay nagdiriwang na siya ng kanyang 15th Anniversary sa matagumpay niyang singing career.

Tiyak daw na masisiyahan ang mga manonood sa handog niyang concert na Higher Than High na gaganapin sa Araneta Coliseum sa darating na November 16.

Marami raw na kakaibang paandar ang kanyang gagawin at sasamahan siya nina Vice Ganda, Regine Velasquez-Alcasid at ABS-CBN Philharmonic Orchestra sa pangunguna ni Master Baton Gerald Salonga sa gagawin niyang mga pasabog.

Taos puso ang pasasalamat ni Jed sa kanyang mga tagahanga na walang sawa ang pagsuporta sa kanya. Lalo raw siyang inspired ngayon na pagbutihin ang piniling propesyon.