Matapos ang matinding lovescenes kay Derrick, Sanya pag-aagawan nina Dingdong and Dennis
Bongga ang Kapuso actress na si Sanya Lopez. Pagkatapos ni Derrick Monasterio, dalawang bigating Kapuso ang pag-aagawan ang Kapuso actress. Sosyal, ang Kapuso Primetime King lang naman na si Dingdong Dantes at Drama King Dennis Trillo.
Yup siya ang magiging leading lady sa upcoming Primetime series ng GMA na Cain At Abel ng dalawang hari ng drama ng GMA.
Bukod kay Sanya, pasok din sa cast ang multi-talented Kapuso actress na si Solenn Heussaff sa seryeng hinuhulaang makakapalit ng Victor Magtanggol na sabi’y hanggang next year pa.
Abangan ang pagsisimula ng seryeng ito na wala pang ibang detalye.
Fresh pa si Sanya sa pinag-usapang pelikulang Wild and Free kung saan nagpaka-all out siya ng paseksihan with Derrick.
Pero teka, nagkaayos na kaya sina Sanya at Direk Connie Macatuno, ang director ng Wild and Free na napanood sa mga sinehan two weeks ago na ang Regal Films ang producer?
Nagkaroon nga raw ang dalawa ng matinding sagutan dahil sa mga sexy scenes na tinanggihang gawin ni Sanya.
- Latest
