Sec. Roque, gusto nang mag-artista?!
Bakit entertainment press ang gustong makausap ni Presidential Spokesperson Harry Roque, noong isang araw sa Annabel’s Restaurant in Quezon City? May nagbiro tuloy na baka gustong mag-artista ni Mr. Roque.
At iyon nga ang sabi ni Mr. Roque nang ipakilala sa kanya isa-isa ang ilang entertainment press, “Ate Lolit (Solis) gawin mo naman akong artista.”
“You know, entertainment is very important. So I feel calm in the same way that political media has to inform and to put it in public opinion,” sabi ni Mr. Roque.
Biniro pa siya kung nakakapanood pa ba siya ng mga teleserye sa television, umamin naman siyang paminsan-minsan ay napapanood niya ang FPJ’s Ang Probinsyano ni Coco Martin.
“Pero pagdating sa news, sa GMA ako nanonood. Paborito kong mag-report si Joseph Morong. Nalaman ko ngayon na may teleserye pala si Ate Nora (Aunor) sa GMA, ang Onanay, kaya manonood ako. Paborito ko siya, ang husay niyang umarte.”
Eh, si Kris Aquino na in the news dahil that time ay nasa Hollywood ang Queen of All Media para mag-attend ng red carpet premiere ng Crazy Rich Asians na isa siya sa cast.
“Well, si Kris Aquino, I’ve always admired her. I’ve never really said anything bad about her and as far as I know, she has not said anything bad about me. I feel for her. She lost her father. I feel for her because her story is the story of many of our fellow men.”
Hindi nalimutang tanungin si Mr. Roque kung paano niya matutulungan ang mga taga-showbiz industry na naagrabyado sa kanilang pagtatrabaho. Naka-schedule na raw siyang makipagkita kay Imelda Papin, ang president ng Actor’s Guild at iba pang officials para pag-usapan kung paano maayos ang seguridad nila sa trabaho
Hindi na rin naman bago si Mr. Roque sa showbiz dahil marami rin siyang friends dito. Ilan sa mga showbiz friends niya sina Martin Nievera, Gary Valenciano, Piolo Pascual, Claudine Barretto na hanggang ngayon daw ay ina-advice pa rin niya.
- Latest
