Pauleen tiyak maaagawan ni Pia ng eksena sa kasal!

MANILA, Philippines – Nakadagdag pa lalo sa pagka-engrande ng kasal nina Pauleen Luna at Vic Sotto ang pag-apir ng Miss Universe 2015 na si Pia Wurtzbach.

Eh Miss U ba naman ang iyong gawing bridesmaid. May nagkomento nga, hindi kaya masapawan ni Pia ang bride?

Akalain mo, dati ay hindi gaanong pinapansin ang dalagang taga-Cagayan de Oro pero ngayon, halos lahat ay gusto siyang makilala. 

Mariel at Amy,tumutulong sa Showtime

Malaking suporta ang pagdating nina Mariel Rodriguez at Amy Perez sa animoy gumagapang na rating ng noontime show ng Kapamilya network.

Posibleng maisalba ang show sa tulong ng bagong hosts at bagong format nito.

Ipinasok ang Tawag ng Tanghalan na talaga namang makakatulong sa mga tao na may talent sa iba’t ibang bahagi ng bansa.

Ganito kasi ang hinahanap ng mga manood dahil bukod na sila ay naaaliw, makakakuha rin sila ng inspirasyon dito.

Arnold pinaiyak si Nora

Muntik nang mapaiyak ni Kapuso TV host Arnold Clavio ang Superstar na si Nora Aunor.

Naging guest niya kasi ito sa kanyang show at halos binuhay nito ang masasayang alaala ng Superstar.

Nagsayaw pa ito ng Pearly Shell, nandu’n pa rin ang lantik ng kanyang beywang.

Kwento nga ni Guy, malaki raw ang hanga niya kay Manoy Eddie Garcia. Hindi raw siya makatingin dito ng eye to eye.