Libreng tickets sa star-studded Animversary Kick-Off ng It’s Showtime!

MANILA, Philippines – Bilang pasasalamat at pagdiriwang sa anim na taong pagsuporta ng madlang people, isang enggrande at star-studded na concert ang handog ng It’s Showtime sa It’s Showtime Kapamilya Day: The ANIMversary Kick-Off, live na live sa Araneta Coliseum ngayong Sabado (Sept 26).

Samahan ang buong barkadahan nina Vice Ganda, Anne Curtis, Vhong Navarro, Billy Crawford, Karylle, Kuya Kim Atienza, Jhong Hilario, Jugs Jugueta, at Teddy Corpuz, Coleen Garcia, Ryan Bang, at Eruption sa pagtitipon ng pinakamalalaking Kapamilya stars upang opisyal na simulan ang isang buwang pagdiriwang ng programa.

Abangan sa Sabado ang nakakakilig na live performances mula sa Kapamilya loveteams na sina Kathryn Bernardo at Daniel Padilla (KathNiel), Nadine Lustre at James Reid (JaDine), Liza Soberano at Enrique Gil (LizQuen), at Kim Chiu at Xian Lim (KimXi).

Hindi rin magpapahuli sa selebrasyon ang Queen of All Media na si Kris Aquino, Primetime King na si Coco Martin, Pangako Sa ‘Yo stars na sina Jodi Sta. Maria, Ian Veneracion, Angelica Panganiban, at Andrea Brillantes, at ang Nathaniel child stars na sina Marco Masa at Yesha Camille.

Lalo pang magpapainit ng tanghali ang Pasion de Amor cast na kinabibilangan nina Jake Cuenca, Arci Muñoz, Ejay Falcon, Ellen Adarna, Joseph Marco, at Coleen Garcia, kasama sina Vina Morales, Richard Yap, Denise Joaquin, at Christian Vasquez na tampok sa seryeng Nasaan Ka Nang Kailangan Kita.

Makikisaya rin sa ANIMversary kick-off ang Kapamilya Gold stars na sina Julia Montes at EA Guzman ng Doble Kara, at JM De Guzman at Yen Santos ng All of Me.

Espesyal na performances din ang handog ng PBB 737 Teen Big Four na sina Jimboy, Ylona, Bailey, at Franco, at nina Elha Nympha, Reynan Dal-anay, Esang de Torres, at Sassa Dagdag ng The Voice Kids Season 2.

Para makakuha ng libreng tickets, pumunta sa ABS-CBN Center Road ngayon mula 1 hanggang 4 PM. Ang unang 500 na tao lang ang bibigyan ng tigdadalawang tickets.