Gamit lang ang pantalon, Atom isasalba ang sarili sa dagat
MANILA, Philippines - Sa Palawan, Boracay, o Puerto Galera ba ang punta mo ngayong summer? Anumang isla ang iyong destinasyon, masisigurado mo ba ang kaligtasan ngayong bakasyon?
Samahan muli si Atom Araullo ngayong BÂiyernes, April 4, at alamin ang mga dapat tandaan at gawin sa oras ng peligro tulad lang ng pagtaob ng bangka sa gitna ng dagat sa Red Alert.
Maraming pasyalan sa Pilipinas ang napapaligiran o napupuntahan lang sa pagtawid ng tubig. Kaya ngayong summer, hindi maipagkakaila na dadami rin ang mga pagkakataon na madisgrasya rito.
Sa unang bahagi pa lang ng 2014 kung kailan hindi pa kasagsagan ng pagbabakasyon, 24 na ang bilang ng aksidente sa tubig. Kung babalikan ang nakaraang taon, ang bilang na ito ay umabot sa halos 435 at karamihan dito ang ay nauwi sa kamatayan.
Kaya bukod sa paghahanda ng life vest at life ring, susubukan ni Atom ang iba’t ibang paraan upang mailigtas ang sarili sa lumulubog na bangka gamit ang mga pangkaraniwang gamit tulad ng pantalon. Bibigyan din niya ng panibagong depinisyon ang “HELP†upang maiwasan ang pagkamatay dahil sa sobrang lamig.
At kung ikaw ay may Kapamilya na naiwan, ano ang gagawin na mas mainam?
Dahil walang pinipiling tao, oras o lugar ang peÂligro, aksidente, at trahedya, kailangan may tamang kaalaman kung paano mailigtas ang sarili at ang mga mahal sa buhay. Tumutok sa Red Alert tuwing Biyernes, 4:45 p.m., pagkatapos ng Meteor Garden sa Kapamilya Gold ng ABS-CBN.
- Latest