• Kapag may lindol, huwag agad tumakbo palabas. Yumuko, sumilong sa matibay na mesa at kumapit dito hanggang tumigil ang pagyanig.
• Kapag nasa labas at lumindol, lumayo sa poste, puno, salamin at gusali. Pumunta sa mas bukas na lugar.
• Kung nasa sasakyan kapag lumindol, huminto sa ligtas na lugar. Iwasan ang tulay, overpass, poste at gusali.
• Kapag may tsunami warning at malapit sa dagat, huwag hintaying makita ang tubig. Agad pumunta sa mas mataas na lugar o sa itinakdang evacuation area.
• Kapag bumabaha, huwag lumusong sa baha kung hindi kailangan. Maaaring may bukas na manhole, matutulis na bagay o live electrical wires na hindi nakikita sa tubig.
• Huwag gumamit ng kandila malapit sa kurtina, papel o mosquito net kapag brownout. Mas ligtas ang rechargeable flashlight o emergency lamp.
• Kapag brownout, i-unplug ang sensitibong appliances. Maaaring magkaroon ng power surge kapag bumalik ang kuryente.
• Magtabi ng power bank na laging may charge. Huwag hintaying magkaroon ng bagyo bago ito i-charge.
• Sa emergency, unahin ang tubig bago maraming pagkain. Mas mahalaga ang sapat na ligtas na inuming tubig kaysa maraming snacks.
• Magkaroon ng maliit na “go bag” na madaling bitbitin. Ilagay dito ang flashlight, whistle, power bank, basic first-aid supplies, tubig, kaunting pagkain at mahahalagang dokumento.
(Itutuloy)