ISANG miniature horse sa South Carolina, U.S.A. ang nakapagtala ng world record sa pambihirang haba ng buntot nito!
Kinumpirma kamakailan ng records keeping organization na Guinness World Records na ang kabayong si Sweetie ang pinakabagong record holder ng titulong “Longest Tail on a Miniature Horse” dahil may haba ang buntot nito na 5 feet and 11.26 inches.
Sa sobrang haba ng buntot ni Sweetie, mas mahaba pa ito kumpara sa kanyang height na 3 feet and 1 inch. Si Sweetie ay isang miniature horse at 36-anyos.
Ayon sa may-ari kay Sweetie na si Risa Formisano, nagsimulang humaba ang buntot nito noong 2012. Napansin nila na sumasayad na sa lupa ang buntot nito at simula noon, patuloy na ito sa paghaba. Para hindi masira ang buntot, itinatali nila ito na parang naka-ponytail para hindi sumayad kapag tumatakbo. Dalawang beses sa isang taon nila ito sina-shampoo at nilalagyan ng conditioner.