NAPAGBIGYAN na ang kahilingan ni Pastor Apollo C. Quiboloy, leader ng Kingdom of Jesus Christ, na isampa na lang sa korte ang mga reklamong ibinibintang sa kanya. Hindi raw ang Senado ang dapat duminig sa kaso.
Kumilos si Justice Secretary Boying Remulla at pinasasampahan ng kasong child trafficking at child abuse si Quiboloy.
Ang mga kasong child trafficking at child abuse ay non-bailable offenses. Malamang makulong si Quiboloy. Dito malalaman kung may pangil ang hustisya sa bansa.
Ang huling babala ng kampo ni Quiboloy ay malamang daw na magkagulo kapag nagipit na ng tuluyan ang kanilang pastor. Kaya ba talaga nilang manggulo? Sige ngaaa!
Sa dami ng miyembro ng Committee on Women, Children, Family Relation and Gender Equality, tanging si Sen. Risa Hontiveros lamang ang matapang na nagpursigi para maimbestigahan ang pagmamaltrato diumano ni Quiboloy.
Marami namang abogado si Quiboloy pero mas marami ang nag-aabogado sa Senado kaya walang problema. Alalahanin lang nila na maraming Pilipino ang nagmamasid sa kanila ngayon. Abangan!