Japanese noodle brand, naglabas ng instant noodles na may habang tatlong talampakan!
TULAD ng mga Pinoy, naniniwala rin ang mga Japanese na nakakapagbigay ng mahabang buhay ang mahabang noodles kaya ang isang sikat na instant noodle brand doon ay naglabas noong nakaraang lunar new year ng instant soba na may noodles na may habang three feet o katumbas ng 36 inches!
Bukod sa mahabang noodles, may mahaba rin itong pangalan: Donbei Tempura Soba Istumo Yori Nagai Choju Kigan Soba na ang ibig sabihin ay: Donbei Tempura Soba, mas mahaba sa nakasanayan upang mabiyayaan ka nang mahabang buhay.
Ayon sa kompanya na naglabas ng produkto, inilunsad nila ito dahil nakasanayan na ng mga Hapones na kumain ng Soba tuwing New Year dahil nagbibigay simbolo ang mahabang noodles nito nang mahabang buhay.
Naisipan nila na mas maganda kung puwede itong kainin sa pang araw-araw sa mas madaling paraan at murang halaga.
Nagkakahalaga ang instant soba ng 193 Yen. Sinimulan itong ibenta sa merkado noong nakaraang Pebrero 8, 2021.
- Latest
