MAY malasakit talaga sa kapwa si Sen. Bong Go, ang chairman ng Senate Committee on Health and Demography. Sa pakikipagtulungan kasi kay Dangerous Drugs Board (DDB) chairman Catalino Cuy, gumawa sila ni Go ng paraan na ang mga pasyenteng may sakit na life threatening and debilitating diseases, cancer and terminal diseases, rare forms of neurological conditions, and other diseases ay magkaroon ng madaling pamamaraan para makabili ng mga gamot na bawal sa bansa. Karamihan kasi sa mga gamot na kailangan ng mga pasyenteng nabanggit sa itaas ay hindi nakarehistro dito sa Pinas subalit nakalista naman sa ibang bansa.
Sa pakikipagkonsultasyon kasi sa Department of Health (DOH) at Food and Drigs Administration (FDA), inaprubahan ng DDB ang Board REgulation No. 8, Series of 2019 para bigyan lisensiya ang mga kamag-anak ng maysakit na makabili nitong hindi nakarehistro na gamot sa bansa.
Kung sabagay, hindi na bago itong balita. kasi si Go mismo ay ang nasa likod ng Malasakit Center na tumutulong sa mga mahihirap na walang panggastos sa ospital. Halos 50 Malasakit Centers na ni Go ang nasa mga ospital sa halos lahat na bahagi ng bansa at P3 bilyon ang pondo dito ni Gen. Man. Royina Garma, ng Philippine Charity Sweepstakes Office (PCSO) sa taon na ito. Hak hak hak! Hindi na kayo pupunta sa mga opisina ng PCSO para humingi ng tulong mga kosa dahil sa Malasakit Center ni Go ay puwede na kayong lumapit.
Sa ilalim ng bagong regulasyon, ang lisensiya ay iisyu sa mga pasyenteng may medical conditions involving diseases na sakop ng Republic Act 10747 o ang Rare Disease Act of the Philippines. Ang pasyente, ang kanyang magulang, asawa, guardian, o malayong kamag-anak ay maaring mag-apply ng lisensiya sa Philippine Drug Enforcement Agency (PDEA).
Dati-rati ang mga specialized institution o specialty society ang puwedeng makakuha ng lisensiya para makabili ng hindi nakarehistrong gamot sa ilalim ng Compassionate Special Permit for Restricted Use of Unregistered Drug and Device Product/Preaparation ng FDA. Ipinaliwanag ng DDB na ang lisensiya ay ibibigay lang para gamitin ang produkto in medicine form na rehistrado sa FDA counterparts sa ibang bansa.
“Apart from improving access to dangerous drugs for medical purposes, it is important for us to ensure that only registered products that have been proven safe for use will be allowed under these regulations,” ang paglaro ni Cuy. Ang regulation ay aprubado ng DDB noong Dis. 17, 2019.
Kaya sa loob ng 60 days, ang DDB, PDEA at DOH ay mag-formulate ng procedural guidelines ukol sa license application para mapabilis ang pag-umpisa ng programa na hinihintay ng mga pasyenteng may di ordinaryong karamdaman. Hak hak hak! Asahan n’yo mga kosa na susulpot ang DDB sa kapaligiran n’yo sa darating na mga araw para sa public hearing at meeting ng stakeholders para arukin ang pulso ng sambayanan ukol sa proyekto. Hehehe! Pinawisan ako rito ah! Abangan!