596 katao sa Brazil, sabay-sabay na lumipad sa pamamagitan ng kitesurfing
KINUMPIRMA ng Guinness World Records na 596 kitesurfers ang nakapagtala ng bagong world record sa isang Brazilian beach nang sabay-sabay nilang gawin ang kanilang hobby.
Isang kinatawan ng Guinness ang nanood habang 596 na kitesurfers ang sabay-sabay na lumipad ng isang milya sa Cumbuco Beach, upang makapagtala ng bagong record para sa pinakamaraming tao na sabay-sabay nag-kitesurfing.
Ang dating record na 423 kitesurfers ay naitala sa England noon pang 2016.
Ayon sa kinatawan ng Guinness, 44 na katao pa ang na-disqualify nang isagawa ang world record attempt noong nakaraang Linggo ngunit sapat pa rin ang naging bilang ng mga natirang kalahok upang makuha ang world record.
- Latest