Kambing, nahalal na mayor ng isang bayan sa US
ISANG tatlong taong gulang na kambing na nagnga-ngalang Lincoln ang nakatakda na maging kauna-unahang “honorary pet mayor” ng bayan ng Fair Haven sa Vermont, Virginia.
Hinalal ng taumbayan ang kambing upang magsilbi ng isang taon bilang mayor matapos ang eleksiyon na ginanap noong Town Meeting Day ng Fair Haven. Magsisimula ang termino ni Lincoln bukas (Martes).
Napili si Lincoln mula sa 16 na iba’t iba pang mga ha-yop na karamihan ay aso’t pusa.
Nanalo si Lincoln matapos siyang makatanggap ng 13 boto, habang pumangalawa naman ang isang asong nagngangalang Sammie na nakatanggap ng 10 boto.
Bilang mayor, dadaluhan ni Lincoln ang mga lokal na kaganapan katulad ng pag-martsa sa Memorial Day parade habang suot ang isang custom-made sash.
- Latest