Sa kaarawan mo ang buwang makinang
Tinatanglawan ka sa iyong himlayan
Sa pagyao’t ditong ihip ng amihan
Ang kaligayahan ay nakikirasal
Sa kaarawan mo ang puso kong pipit
Sa duklay ng nasa’y marahang umawit
Sa bintanang ulap araw ng sumilip
Pangiting nagwika: “buhay mo’y lumawig”
Sa kabanguhang mula sa bulaklak
Nagsisipagsaya at humahalakhak
Sa araw na ito lahat kulay rosas
Kaiga-igaya sa aking pangmalas