San hindi mawaring galaw ng daigdig
waring nagbabago ang ating paligid
Panahong tag-ulan ay lubhang mainit
di na tulad noon – mabango’t malamig!
Walang anu-ano’y ating nadarama
Inang Kalikasan ay nagbago na nga;
Kung summer vacation hindi na masaya
Pagka’t umuulan halos walang tila!
Kung tag-ulan naman ramdam mo’y mainit
sa mga tahanan wala namang lamig;
Ang panahon ngayon tila nagagalit --
dahil mga tao’y masama, ang isip!
Ngayo’y malimit nang magdaan ang bagyo
ang ulan at baha nagiging perwisyo;
Ito’y mga tandang sa lahat ng dako
Inang Kalikasan waring nagtatampo!