MANILA, Philippines — Hinikayat ni Pangulong Ferdinand “Bongbong” Marcos Jr. ang mga empleyado ng Office of the President na maagang pumasok at mas maging epektibo sa trabaho.
Ayon kay Marcos, mahalagang mapaganda ang pagbibigay-serbisyo sa publiko.
Sinabi rin ni Marcos na dapat magampanan ang malaking responsibilidad na ibinigay sa kanila ng mga mamamayan.
Ayon kay Pangulong Marcos, hihina ang leadership sa buong bansa kung hindi maayos ang trabaho sa OP.
Tiniyak din ni Marcos na mararamdaman ang mga policy directions na ipinatutupad ngayon sa mga susunod na taon.
“Kaya’t kailangang na kailangan na ipagbuti natin ang ating mga trabaho. Kailangan natin ipagbuti at lagi natin maalala ang ating pagmamahal sa bansang Pilipinas at sa ating mga kapwang Pilipino,” dagdag ni Marcos.