Pagbiyahe ng traditional passenger jeep ‘di na palalawigin
Mga hindi nag-aplay sa modernization program
MANILA, Philippines — Hindi na palalawigin pa ng Land Transportation Franchising Regulatory Board (LTFRB) ang operasyon ng mga traditional jeep na hindi nag-aplay para sa modernization program ng pamahalaan.
Sinabi ni LTFRB Chairman Teofilo Guadiz na hanggang Marso 23, 2023 lamang ang deadline sa pagtanggap ng LTFRB para sa mga traditional jeep sa mga probinsiya na nais pasakop sa programa at hanggang April 30, 2023 para sa mga traditional jeep sa Metro Manila.
Ayon kay Guadiz na sa kasalukuyan ay wala pang sumusunod sa mga may- ari ng traditional jeepneys kaya’t nananawagan sila na mag-aplay na.
Niliwanag naman ni Guadiz na hindi kukulangin ang mga pampasaherong sasakyan dahil nagdagdag na sila ng mga ruta sa iba’t ibang bahagi ng bansa tulad ng mga aircon jeep, bus at iba pa.
- Latest
