MANILA, Philippines — Ititigil muna ng Quezon City government unit ang pagkumpiska sa drivers license ng mga motoristang mapapatunayang may paglabag sa batas trapiko sa lungsod,
Sinabi ni QC Mayor Joy Belmonte ang hakbang ay bilang pagtalima ng lokal na pamahalaan sa direktiba ni DILG Secretary Benhur Abalos na nagsabing dapat ay LTO lamang ang may karapatan na kumumpiska sa drivers license ng traffic violators sa bansa.
Ayon kay Belmonte na bagamat mayroong ordinansa ang QC (Traffic Code of 2004) na nagpapahintulot sa mga traffic enforcers na kumpiskahin ang drivers’ license ng traffic violators ay susundin nila ang utos ng DILG.
Anya, naatasan na ang city council na busisiin ang direktiba ng DILG.