Higit 9.1 milyong Pinoy bakunado na — DOH
MANILA, Philippines — Batay sa inilabas ng vaccine bulletin ng Department of Health (DOH) nasa mahigit sa 9.1 milyong Pinoy ang fully-vaccinated laban sa COVID-19.
Nabatid na hanggang Agosto 1 ay umaabot na sa 20,863,544 doses ang nai-administer sa bansa, o may limang buwan nang simulan ang COVID-19 vaccination sa Pilipinas noong Marso.
Sa nasabing bilang, 11,747,581 indibidwal ang nakatanggap ng first dose ng bakuna na kinabibilangan ng 1,995,926 frontline health workers (A1 category); 2,884,325 senior citizens (A2 category); 3,770,784 persons with comorbidities (A3 category);2,623,263 essential workers (A4 category) at 473,283 indigents (A5 category).
Habang ang nasa 9,115,963 naman na mga indibidwal ang fully vaccinated, kung saan 1,571,843 ang frontline health workers; 2,616,273 senior citizens; 3,327,621 persons with comorbidities;1,295,610 essential workers; at 304,616 indigents.
Ayon pa sa DOH, umabot sa average na 523,018 doses kada araw nitong nakalipas na linggo, base sa datos mula sa 1,465 active at reporting vaccination sites na mas mataas sa target na 500,000 jabs lamang kada araw.
- Latest
