Maynila naghahanda na kontra Delta variant
MANILA, Philippines — Puspusan ang ginagawang hakbang at paghahanda nina Manila Mayor Isko Moreno at Vice Mayor Honey Lacuna upang mapigilan ang pagdami at paglawak pa ng mga posibleng dapuan ng Delta variant ng COVID-19.
Ito ang inihayag ng negosyante at dating konsehal ng Maynila na si Don Ramon Bagatsing, dahil nakita niya ng personal ang sinserong ginagawang hakbang nina Moreno at Lacuna upang hindi na kumalat pa ang Delta variant sa mga residente sa lungsod.
Anya, lahat ng precautionary measure ay ginagawa na bago pa lang ang pagbabalik ng ECQ sa Metro Manila simula sa Agosto 6 hanggang 20.
“Madaming nagtaka kung bakit pa nagtayo ng field hospital sa Luneta noong nakalipas na buwan noong panahon na bumababa na ang mga kaso ng Covid ngunit ngayon ay nakita na ang pangangailangan hinggil dito.
Inihayag pa ni Bagatsing na masakit ang lockdown para sa mga residente, negosyo, at ekonomiya, pero kapag maagapan ito ay posibleng wala nang COVID-19 sa Pasko kaya’t nanawagan ito sa ibang private sector na may kaya sa buhay na tumulong sa abot ng kanilang makakaya.
Matatandaan na pinagamit ni Don Ramon Bagatsing ang kanyang mga dormitoryo sa Maynila bilang pansamantalang tirahan ng mga medical frontliners.
- Latest