6 pulis na nakapatay sa 2 aktibista sa Albay, sinibak
MANILA, Philippines — Sinibak sa puwesto at inilagay sa restrictive custody ng Camp Gen.Simeon Ola (PRO 5) ang anim na pulis na kasama ng mga operatiba ng Albay Police Provincial Office sa umanoy “shootout” at nakapatay sa dalawang aktibista na nahuling nag-vandal ng “Duterte Ibagsak” sa Banao Bridge sa kahabaan ng Maharlika National Highway ng Brgy. Lower Binogsacan, Guinobatan, Albay noong Lunes ng madaling araw.
Ang anim na police officers na hindi na binanggit ang mga pangalan na isang Lt. Col, Major, Lieutenant, Staff Sergeant, Corporal at Patrolman ay isinailalim sa kustodiya nang magpalabas ng desisyon kahapon si PNP Chief Gen. Guillermo Eleazar upang bigyang daan ang imbestigasyon sa pagkamatay nina Jaymar Palero, 22, kasapi ng OMA (Organisasyon ng Magsasakang Albayano at Marlon Naperi, 38, kasapi ng Albay People’s Organization.
Ayon kay Estomo, magkahiwalay na nagsasagawa ngayon ng imbestigasyon ang Regional Internal Affairs Service (RIAS) at Regional Investigation and Detective Management Division para lumabas ang katotohanan sa likod ng mga akusasyong sinadyang pinatay ang dalawang aktibista. - Doris Franche
- Latest