MANILA, Philippines — Idineklarang dead on arrival sa ospital ang isang fiscal matapos na ito ay pagbabarilin habang kinukumpuni ang sasakyan kamakalawa sa Conner, Apayao.
Ang nasawi ay kinilalang si Fiscal Victor Begtang Jr, 49, residente ng Sitio Hanhan, Barangay Malama, Conner, Apayao at nakatalaga bilang Deputy Ilagan City Prosecutor.
Sa ulat, alas-2:20 ng hapon ay kinukumpuni ng biktima ang kanyang sasakyan sa loob ng kanilang compound nang lapitan ng dalawang lalaki na sakay ng isang motorsiklo at walang kaabug-abog na pinagbabaril.
Mabilis na tumakas ang mga suspek na nakasuot ng bonnet habang ang biktima ay isinugod sa Conner District Hospital ngunit binawian din ng kanyang buhay dahil sa apat na tama ng bala sa katawan.- Victor Martin