Mga gumaling sa COVID-19 maaari na agad mabakunahan

MANILA, Philippines — Maaari nang kaagad magpabakuna kontra co­ronavirus disease (CO­VID-19) ang mga guma­ling sa sakit, ayon sa Department of Health.

“Section III E.5 of Department Circular No. 2021-0175 is amended for simplification that all vaccine recipients who contracted COVID-19 may be vaccinated after recovery or completion of treatment, whether for first or second dose, without restarting the vaccine dose schedule,” ayon sa memorandum ng DOH.

Kailangan naman na agad makipag-ugnayan ang mga indibiduwal na hindi nakapagpaturok ng ikalawang dose dahil sa medical reason upang agad na magawan sila ng iskedyul.

Hindi naman papa­ya­­gan na mabakunahan ang mga indibidwal na may blood pressure (BP) na 180/120 o mas mataas at mga senyales na may pagkasira ng organ sa screening process.  
Hindi naman kakailanga­nin ang medical clearance, maliban na lamang sa mga indibiduwal na may problema sa immune system tulad ng mga may “auto­immune disease, HIV, cancer na sumasailalim sa immunosuppressive therapy­, transplant patients, mga sumasailalim sa steroid treatment at mga ‘bedridden­’.

Batay sa huling polisiya ng kagawaran, makapagpapabakuna lamang ang isang COVID-19 survivor matapos ang 14 araw nang gu­maling sa sakit. 

Kabilang sa mga ‘comorbidities’ sa ilalim ng A3 Priority Group ay ang mga may: sakit sa baga tulad ng Tuberculosis, Pulmonary disease, Chronic bronchities, Pulmonary hy­­pertension at iba pa; mga may sakit sa puso; sakit sa kidney; mga na-stroke; kanser; diabetes; obesity; neurologic disease tulad ng dementia, Alzheimer’s, Epilepsy, at iba pa; sakit sa atay; mga sakit sa immunodificiency at ibang sakit tulad ng sickle cell disease at Down syndrome.