Pinas ready na sa pagsalubong sa COVID-19 vaccines — DOH
MANILA, Philippines — Handang-handa ang pamahalaan sa pagtanggap ng unang batch ng Sinovac coronavirus disease (COVID-19) vaccines na donasyon ng Chinese government, na paparating ngayon, ayon sa Department of Health kahapon.
Sa naging usapan sa Laging Handa public briefing, sinabi ni Health Usec. Maria Rosario Vergeire, isang linggo nang pinaghandaan ang dating inaasahan na pagdating ng Pfizer vaccines kaya inuulit na lang aniya ang mga ginawang paghahanda para sa Sinovac.
“Nag-simulation activities kahapon at tiningnan kung paano ’yung pag-receive, pagtanggap, at pag- distribute, at pag transport. Lahat po ay sinisiguro na wala tayong as much as possible magka-gap dahil napaka importante ng bawat dose ng bakunang ito,” ani Vergeire.
Nasa 600,000 doses ng Sinovac vaccines ang mismong sasalubungin ni Pangulong Rodrigo Duterte sa Villamor Air Base sa Pasay City ngayong Linggo, kung saan magkaakroon ng inspection sa tarmac, magkakaroon din umano ng press conference doon at isasabay ang pagpapasalamat sa Pangulo ng China.
Ibibiyahe naman ang nasabing bakuna patungo sa DOH facility sa Marikina City.
- Latest