MANILA, Philippines — Upang matalakay ang accord abrogation matapos na kumbinsihin ng mga tao na kanyang nirerespeto ay handa na si Defense Secretary Delfin Lorenzana na makipagpulong kay UP President Danilo Concepcion sa susunod na linggo.
Ayon kay Lorenzana, naisip din niyang bigyan ng pagkakataon ang UP na ipaliwanag at sagutin ang kanilang mga katanungan sa ilang mga isyu.
Pagkakataon na ito ng UP na ipakita sa pamahalaan na kaisa nila ito sa pagbibigay ng proteksiyon sa bawat Pilipino at pagpapanatili ng kapayapaan sa bansa.
Una nang umapela si Concepcion sa DND na irekonsidera ang unilateral abrogation na nagbabawal sa pagpasok ng mga pulis at sundalo sa UP campus ng walang koordinasyon sa pamunuan nito.
Sinabi ni Concepcion na walang malinaw na desisyon ang pamahalaan sa pagpuputol ng agreement na magdudulot lamang ng kalituhan sa mga pulis at militar.
Ngunit ayon kay Lorenzana, nais niyang ipaliwanag ng UP kung bakit may mga estudyante na nasasangkot sa operasyon na nagreresulta ng kanilang kamatayan.