Presyo ng Sinovac ‘di dapat itago
MANILA, Philippines — “Hindi dapat itago o maging confidential ang presyo ng COVID vaccines na idedeliber sa bansa.”
Ito ang iginiit ni Senate President Tito Sotto sa panayam sa kanya sa CNN Philippines, bakit kailangang hindi ilahad ng ilang opisyal ng gobyerno ang tunay na halaga ng Sinovac.
Idinagdag pa ng Senate president na ang tao ang lubhang nag-aalala at hindi ang senado kaya nais nila itong maliwanagan.
Maaalalang nagkaroon ng deal ang Pilipinas sa pagbili ng 25 milyong doses ng Sinovac kung saan 50,000 ang inaasahang darating sa Pebrero.
Sinabi naman ni Presidential spokesman Harry Roque na paninira ng oposisyon ang mga lumalabas na impormasyon na pinakamahal sa anim na brand ng COVID-19 vaccine ang Sinovac.
Anya, nasa gitna o midrange lang ang presyo ng Sinovac na iba sa gustong palabasin ng oposisyon na bukod sa mataaas ang presyo ay mababa rin ang efficacy rate.
- Latest
