Zambo police drug unit chief nagpositibo sa droga
MANILA, Philippines — Isang pulis na namumuno sa Drug Enforcement Unit ng Zamboanga City Police ang agarang pinasisibak ni Philippine National Police Chief Debold Sinas sa serbisyo nang magpositibo sa droga.
Kinilala ni Sinas ang nagpositibo sa droga na pulis na si Maj. Jivertson D Pelovello na sinibak na sa pwesto at nagbitiw na sa Regional Personnel Holding and Accounting Section ng Police Regional Office 9.
Kasalukuyang nahaharap ang pulis sa kaso at summary dismissal proceedings.
Noong Disyembre 18 nang isailalim sa mandatory surprise drug test ang 60 na tauhan ng Zamboanga City Police Office at tanging si Pelovello lang ang nagpositibo sa droga. Positbo rin siya sa isinagawang confirmatory drug test nitong Enero 6.
Halos 500 PNP personnel na ang nasibak sa serbisyo mula 2016 matapos magpositibo sa iligal na droga.
- Latest
