9-anyos patay sa kuryente

MANILA, Philippines — Idineklarang dead on arrival sa ospital ang 9-anyos na si Arnel Marasigan, residente ng Zone 2 matapos na ito ay makuryente nang mahawakan ang nakalambiting kable ng kuryente sa tabi ng barangay road ng Zone-1, Brgy. Inapatan, Nabua, Camarines Sur, kamakalawa.

Sa ulat, alas-11:50 ng tanghali ay naglalakad ang biktima pauwi ng kanilang bahay nang aksidenteng mahawakan nito ang nakabiting kable ng kuryente ng Camarines Sur lll Electric Cooperative.

Agad nangisay ang bata sa lakas ng boltahe ng kuryente at mabilis na sinaklolohan ng mga residente at isinugod sa pagamutan, pero hindi na ito umabot nang buhay.