COVID-19 vaccine inaalok sa online — FDA
MANILA, Philippines — “Wala pang inaaprubahan ang pamahalaan na bakuna laban sa virus.”
Ito ang paalala ng Food and Drugs Administration (FDA) sa publiko at nagbabala rin sa pagbili ng mga iniaalok na COVID-19 vaccine sa online shops.
“The Food and Drug Administration (FDA) reiterates our advisory to the public to take extreme caution on the purchase and use of vaccines sold locally or online claiming to be safe and effective in preventing COVID-19,” ayon sa FDA Advisory No. 2020-1395-A.
Ipinaliwanag ng FDA na wala pa silang natatanggap na aplikasyon para sa rehistrasyon ng anumang uri ng COVID-19 vaccine at ang anumang ibinebenta sa online ay hindi dumaan sa pagsusuri at hindi garantiya ang kalidad, epektibo at pagiging ligtas nito.
Inaabisuhan ang publiko na iulat ang anumang namo-monitor na iligal na pagbebenta nito sa pag-e-mail sa [email protected] o tumawag sa (02) 88095596.
Muli ring nagpaalala ang FDA na hindi maaaring bilhin ang Chinese traditional drug na LianHua QingWen nang walang reseta mula sa doktor.
Ang naturang gamot sa paglaban sa sintomas ng COVID-19 na inaprubahan ng FDA noong Agosto, ngunit marami umanong naglalabasan na pekeng gamot na may brand nito na ibinebenta kahit walang preskripsyon ang bibili.
- Latest
