P1.5 milyong halaga ng puslit na mga baril, nasabat
MANILA, Philippines — Aabot sa P1.5 milyon halaga ng mga puslit na matataas na kalibre ng armas ang nasamsam ng mga tauhan ng Bureau of Customs (BOC) NAIA nang maharang ang may 28 parcel sa isinagawa nilang inspeksyon sa Central Mail Exchange Center (CMEC) sa Pasay City.
Ayon sa BOC, kinumpiska nila ang mga nasabing iba’t ibang klase ng baril gayundin ang mga “parts and accessories” dahil wala umano itong import permit mula sa Firearms and Explosive Office ng Philippine National Police (FEO-PNP) at paglabag sa Section 117 at Section 1113 ng Republic Act No. 10863 (CMTA) na may kaugnayan sa R.A. No. 10591 o mas kilala na “Comprehensive Firearms and Ammunition Regulation Act.”
Ang mga nasamsam na armas ay nakatakdang iturn-over sa Enforcement and Security Service-Firearms and Explosive Office (ESS-FEO) para sa safekeeping ng mga ito.
- Latest
