MANILA, Philippines — Mahigit sa P13 bilyon halaga ng shabu at kemikal ang sinira sa Integrated Waste Management, Inc. (IWMI) sa Brgy. Aguado, Trece Martires, Cavite, kahapon ng umaga.
Sinunog sa pamagitan ng thermal decomposition ang tinatayang 2,103,904,93 gramo o 2.10 tons na hinihinalang shabu, marijuana, cocaine, ectasyepedrine, ketamine, diazepam, methylephedrine, nalbuphine, MDA (Methylenedioxyamphetamine), GBL (Gamma-Butyrolactone) 2C-B, liquid ectasy at mga expired na mga gamot o kabuuang P13,359,157,093,00.
Ang Thermal Decomposition o Thermolysis ay isang proseso kung saan sinusunog ang nasabing mga kemikal sa 1,000 degress centigrade.
Ang mga sinunog na droga at mga kemikal ay mga nasamsam sa iba’t ibang mga anti-drug operations ng Philipine National Police (PNP) at iba pang law enforcement ng pamahalaan, matapos itong ipag-utos ng korte ang pagsusunog. - Angie dela Cruz, Doris Franche-