2 estudyante pisak sa trak

MANILA, Philippines — Dalawang estudyante ang nasawi nang magulungan ng rumaragasang trak habang bumubuhat ng mga biktima nang banggaan ng motorsiklo sa Brgy. Dagupan, Lal-lo, Cagayan, kamakalawa.

Ang mga namatay ay kinilalang sina Jomer Taniedo, 19 at Alden Hidalgo, 18 na kapwa residente sa nasabing lugar.

Sa ulat, alas-3:15 ng hapon ay nagsasagawa ng imbestigasyon ang pulisya sa lugar ng pinangyarihan ng aksidente ng banggaan ng motorsiklo at dito ay binubuhat nina Taniedo at Hidalgo ang mga biktima para isakay sa ambulansiya nang sumulpot ang rumaragasang trak na minamaneho ni Elmer Taguba, 43 at natumbok ang dalawa na agad nilang ikinasawi matapos mapisak ang ulo.