80% ng bansa, maaaring isailalim na sa MGCQ sa July 16…
MANILA, Philippines — Posibleng mas maraming lugar na ang isasailalim sa modified general community quarantine (MGCQ) sa darating na July 16.
Ito ang inilahad ni Defense Secretary Delfin Lorenzana at iginiit na dedepende sa datos ng coronavirus disease o COVID-19 ang quarantine measures sa bansa na magmumula sa Department of Health (DOH).
“Sabi nga ng DOH, depende pa sa mga analytics na lalabas pero more likely siguro mga 80%, mag-MGCQ na tayo sa July 16,” giit ni Lorenzana.
“Dahil nga lumuluwag na ‘yung ating quarantine at saka gusto na nating buksan ‘yung ating ekonomiya, maraming pagbabago, mas marami ng tao ang makakalabas, pati mga simbahan magbubukas na rin, magdadagdag na rin ng transportasyon ‘yung DOTr so malaking pagbabago,” dagdag pa nito.
Lahad pa ni Lorenzana, ang second phase ng national action plan laban sa COVID-19 ay inaayos na at ipiprisinta sa IATF.
“Nagawa naman natin ‘yung ating objective habang pinipigilan natin ‘yung pagtaas ng infections ay inaayos naman natin ‘yung ating capabilities,” paliwanag pa ni Lorenzana.
“So ngayon, medyo nag-plateau na except ‘yung Cebu [City]… Ang ating objective diyan mag-plateau lang, hindi na magdadagdag every day or ‘yung case doubling.”
- Latest
