161-km bike lanes, ilalagay sa Quezon City
MANILA, Philippines — Upang mapangalagaan at matulungan ang mas maraming empleyado at publiko, maglalagay na ang Quezon City government ng network para sa bike lanes na may habang 161 kilometro sa buong lungsod.
Ito ang inanunsyo ni Quezon City Mayor Joy Belmonte sa pagdiriwang ng Internatioanl Bike Day kahapon bilang bahagi ng commitment na magkaroon ng maayos na recovery at global clean air initiative sa lungsod sa panahon ng COVID-pandemic.
“This was a priority for us even before COVID-19 happened as part of our global commitment to reducing air pollution by 2030, but due to the pressing need for transport during the pandemic, and the bike culture that emerged as a result of this, we are fast-tracking its implementation,” pahayag ni QC Mayor Joy Belmonte.
Aniya, ang gawing isang walkable at bikeable city ang QC ay bahagi ng programa na makamit ang 14-point agenda ng lokal na pamahalaan katuwang ang Move As One Coalition.
Mula sa kasalukuyang 55 kilometro na bike routes na nailunsad mula noong 2018, plano ng city government na pahabain pa ito sa 161 km na halos may tatlong beses na laki sa kasalukuyang bike routes. Lalagyan ng barriers, signages, markers at iba pang kailangang infrastructure para matiyak ang kaligtasan para sa bike-riding public.
Bago matapos ang Hunyo, sisimulan ang paglalagay ng bike routes sa pamamagitan ng Parks Development and Administration Department (PDAD) at ng Task Force on Transportation and Traffic Management (TFTTM).
- Latest