Mga jeep na bibiyahe, huhulihin
MANILA, Philippines — Huhulihin ang mga bibiyaheng mga dyipney kahit pa may mga plastic na nakadisenyo at may distancing.
Ito ang naging banta si Joint Task Covid Shield Commander Lt. General Guillermo Lorenzo Eleazar matapos na may napabalita sa kanya na may mga ilang dyip ang nakatambay sa Marcos Hi-Way na nag-aabang ng mga pasahero patungong Cogeo Antipolo at Marikina.
Ayon sa opisyal, mahigpit ang tagubilin ng Department of Transportation na hindi pa rin papayagan ang pagbiyahe ng mga dyip sa General Community Quarantine kahit pa ang mga modernong mga dyip.
“Bawal pa ’yang mga dyip, sa oras na nagpumilit sila na bumiyahe huhulihin namin sila” saad pa ni Eleazar.
Hindi pa rin papayagan ang pag-angkas sa motorsiklo base na rin sa inilabas na guidelines ng DOTr.
“Inuulit ko bawal ang mag-angkas sa motorsiklo sakaling may makita ang mga kapulisan na magka-angkas ay amin silang huhulihin” giit ni Eleazar.
- Latest