MANILA, Philippines — Pinaplantsa na ng Senado ang magiging sistema ng kanilang sesyon na magbabalik na sa susunod na linggo.
Ayon kay Senate President Tito Sotto, isang “hybrid system” ang kanilang gagawin na ang ibig sabihin, pwedeng personal na pumunta, habang maaari ring gumamit ng teleconference ang mga hindi makakarating dahil sa nananatiling lockdown.
Maging ang mga pagdinig ay posibleng gawin na rin munang hybrid, dahil malabo pang makabiyahe umano ang ilang resource person na kanilang ipapatawag. Gayunman, hindi isasama sa teleconferencing si Sen. Leila de Lima na nakakulong sa Camp Crame.