MANILA, Philippines — Tinatayang nasa 60 pamilya ang nawalan ng kanilang bahay sa naganap na halos isang oras na sunog kahapon ng umaga sa Tondo, Maynila.
Sa ulat, alas-6:14 ng umaga nang sumiklab ang apoy sa tatlong palapag na bahay na pag-aari ni Rey Bucacao sa may 1482 Juan Luna St., Barangay 60 Zone 5, Tondo, na naging mabilis ang pagkalat ng apoy dahilan para madamay ang mga katabing bahay at umakyat sa 2nd alarm ang sunog.
Alas-6:49 ng umaga nang makontrol ng mga bumbero ang pagkalat ng apoy at alas-6:58 ng umaga nang tuluyan itong mapatay na tumupok sa 30 kabahayan.
Tinatayang nasa P300,000 ang halaga ng pinsala ng sunog pero masuwerteng walang nasawi o nasaktan.